ECO NET – Programi:
qëllimet dhe metodat e punës

ECO NET – Mbështetja e idesë së firmës uushtrimore në Evropën Juglindore Arsimimi i partnerëve të ardhshëm ekonomik në një Evropë të bashkuar – Të mësojmë dhe të punojmë me njëri-tjetrin

• Sfondi
• Vendet dhe grupet e synuara
• Nismë modulare
• Modulet në detaje ...
• Qëllimet e moduleve të arsimimit
• Vlerësimi

Në sfond

Koncepti i firmës ushtrimore është vlerësuar si një nismë e sukseshsme në vendet në të cilat është aplikuar, si: Bullgaria, Rumania, Shqipëria dhe vende të tjera të cilat janë duke zbatuar reforma, në mënyrë që të mbështetet arsimi ekonomik dhe të përshtatet sipas nevojave të tregjeve të punës të cilat janë në zhvillim e sipër – çka do të thotë t’i afrohesh praktikës nëpërmjet fokusimit të kompetencave bazë (sektori i „sipërmarrjes“) dhe mundësisë që të simulohen në shkollë proçeset e punës që zhvillohen në një ndërmarrje reale.

Eksperiencat me projektet e tjera të aplikuara deri tani në rajon, si edhe ciklet e kualifikimit të realizuara në Austri, p.sh. për drejtuesit e firmave ushtrimore, ofrojnë modele trajnimi, të cilat mund të shfrytëzohen për futjen e këtij koncepti në një spekter më të gjerë në vendet e rajonit, gjithnjë duke u bazuar në standartet e provuara të cilësisë. Në këtë mënyrë në të ardhmen rrjeti rajonal ekzistues i firmave ushtrimore (Shqipëri, Bullgari, Rumani) mund të përhapet në të gjithë rajonin.

Meqë nevojat e vendeve të veçanta të rajonit, ose situatat e tyre fillestare janë shumë të ndryshme, koncepti duhet të jetë shumë fleksibël, në mënyrë që të mundësojë një proçedurë e cila t’ju përshtatet vendeve të veçanta.

Njëkohësisht shërben edhe për të rujatur standartet ndërkombëtare të cilësisë, si edhe përmbajtjet bazë, të cilat janë të nevojshme për futjen dhe implementimin e suksesshëm të konceptit të firmave ushtrimore ose për pjesëmarrjen në rrjetet ndërkombëtare.

Grupet dhe vendet e synuara

Parimisht „Programi bazë i Projektit ECO NET“ orientohet drejt të gjitha vendeve/ rajoneve të Evropës Juglindore.

Vende aktuale partnere janë Shqipëria, Bosnje-Herxegovina, Bullgaria, Kroacia, Maqedonia, Mali i Zi dhe Rumania.

Grupet e synuara:

• Përfaqësues të Ministrisë së Arsimit të vendeve partnere të përfshira në projekt
• Trajnues të mësuesve nga vendet partnere
• Drejtues të Qendrave të Firmave Ushtrimore të vendeve partnere
• Drejtorë të shkollave pilot
• Mësues të shkollave pilot
• Nxënës të shkollave pilot

(Të dhëna të sakta për grupet e synuara, shih partnerët e ECO NET-it)

Nismë modulare

Duke u bazuar në eksperiencat e deritanishme në futjen e firmave ushtrimore – për Evropën Juglindore dhe për standartet ndërkombëtare do të përcaktohen module të përmbajtjes, të cilat do të kombinohen në mënyrë fleksibile sipas nevojave të vendeve të synuara.

Anë pozitive:

Një fleksibilitet më i madh mundëson përshtatjen e proçesit të implementimit me kushtet bazë që janë gjithmonë në ndryshim, ndërkohë që standartet e cilësisë mbeten po ato.

Sektorë bazë për këto module janë:

1. njohuri bazë për ndërmarrjen; kjo është edhe bazë për zbatimin e konceptit të firmës ushtrimore dhe për krijimin e premisave bazë në shkolla.
2. Krijimi i firmave ushtrimore dhe i një qendre kombëtare për firmat ushtrimore
3. Going Public dhe rrjetizimi rajonal
4. Shpërndarja

Krahas këtyre moduleve të trajnimit për implemetimin e programit është i rëndësishëm edhe një sektor tjetër bazë:

- Planifikimi i hollësishëm, reflektimi dhe vlerësimi

Modulet në detaj ...

Qëllimet e moduleve të kualifikimit

Das modular aufgebaute Ausbildungskonzept verfolgt 3 Ziele:

Koncepti modular i trajnimit ndjek 3 qëllime:

Pikësëpari mësuesit duhet të kualifikohen nga ana e përmbajtjes dhe ajo metodike, në mënyrë që të jenë në gjendje t’ju transmetojnë nxënësve njohuritë e nevojshme profesionale dhe kualifikimet kyçe për edukimin me ekonominë e ndërmarrjes. Pika më e rëndësishme është trajnimi i drejtuesve të qendrave ushtrimore.

Së dyti nëpërmjet masave organizative që shoqërojnë strukturën duhet të krijohen premisat bazë për funksionimin e rrjetit kombëtar të shkollave ekonomike dhe të rrjetit kombëtar të firmave ushtrimore. Këto masa kanë si qëllim infrastrukturën, mjete komunikimi që funksionojnë mirë dhe krijimin e një qendre për firmat ushtrimore, për ristrukturimet e kërkuara në fushën e trajnimeve dhe të kurrikulës në sferën e autoriteteve të shkollës.

Në mënyrë që të sigurohet vazhdimësia në bashkëpunim të ngushtë me ministritë përkatëse të arsimit nëpërmjet ndërmarrjes së masave të veçanta duhet të krijohen kushtet bazë për një shpërndarje të konceptit në rrang kombëtar.

Vlerësimi

Vlerësimi i proçesit të implementimit në kuadrin e zbatimit të programit bazë të Projektit ECO NET bazohet në:

1. një proçes të vazhdueshëm vlerësimi të brendshëm nëpërmjet grupeve të synuara që janë të përfshira direkt në projekt dhe
2. nëpërmjet një proçesi për monitorimin e jashtëm dhe vlerësimin nga një institucion monitorimi i i cili përcaktohet nga financuesi i projektit.

Instrumente për zhvillimin e proçesit të Feedback-ut të brendshëm dhe të vlerësimit:

- Pyetësorët:

pjesëmarrësit në aktivitete vlerësojnë se deri në ç’pikë i kanë përmbushur nevojat e tyre përmbajtjet, metodika dhe organizimi i seminareve

- Feedback-/fazat e reflefktimit në aktivitete:

përfshihen në proçesin e implementimit, në mënyrë që në distanca të rregullta kohore t’ju japin mundësinë të gjithë pjesëmarrësve, që të bëjnë një krahasim ndërmjet objektivave dhë qëllimeve të arritura dhe të japin një Feedback për eksperiencat me praktikën e përditëshme

- Faza e reflektimit (shih fillimin dhe krijimin e konceptit):

seminar njëditor, gjatë të cilit do të reflektohet për objektivat dhe arritjet e qëllimit në një afat më të gjatë (minimumi 10 vite) – ndër të tjera duke u bazuar në rezultatet e vlerësimit/ monitorimit të institucioneve të jashtme të monitorimit.