ECO NET
zhvillimi që prej vitit 2001

• Kohëzgjatja
• Vendet e synuara
• Aktivitetet
• Çfarë kemi arritur së bashku
• Rezultatet në detaje

Kohëzgjatja:

ECO NET ka filluar aktivitetin e tij në janar të vitit 2001 si një projekt i iniciiuar në kuadrin e Paktit të Stabilitetit për Evropën Juglindore. Ky projekt për arsimin u financua nga Ministria Federale e Punëve të Jashtme Austriake dhe u implementua nga KulturKontakt Austria së bashku me Zyrat e projekteve k.education në Bukuresht, Sofie dhe Tiranë.

Projekti përfundoi në muajin qershor 2002 me një konferencë që u zhvillua në Austri, ku u vendos edhe për vazhdimin e mëtejshëm dhe për zgjerimin e spektrit të aktiviteteve të ndërmarra në kuadrin e „Programit të Projektit ECO NET“.

Vendet e synuara:

Nga vitit 2001 deri në vitin 2002 në Projektin ECO NET morën pjesë edhe Ministritë e Arsimit të Shqipërisë, Bullgarisë dhe Rumanisë. Gjithashtu u krijua edhe një rrjet partneriteti midis 3 shkollave ekonomike shqiptare, 5 bullgare dhe 3 rumune.

Aktivitetet:

Qëllimi kryesor i projektit ishte krijimi dhe zgjerimi i firmave ushtrimore në tri vendet e përfshira në projekt, ku u pajisën me infrastrukturë shkollat dhe institucionet kryesore.

Në kuadrin e punës me firmat ushtrimore u krijuan marrëdhënie biznesi kombëtare dhe ndërkombëtare dhe u organizuan panaire të firmave ushtrimore.

Mësuesit, drejtorët dhe personat vendimmarrës u trajnuan në shumë seminare në sektorë si: menaxhim projektesh dhe cilësie, komunikim biznesi, kualifikime kyçe dhe tema speciale për punën në firmën ushtrimore. Gjithashtu në rajon u bë një shkëmbim dhe një përçim i mëtejshëm i njohurive dhe dijes.

Çfarë kemi arritur së bashku:

• Krijimi i rrjeteve kombëtare qëndrore të firmave ushtrimore në Shqipëri, Bullgari dhe Rumani.
• Futja në 11 shkollat pilot e metodave mësimore të orientuara drejt praktikës dhe marrëdhënieve të vërteta tregtare.
• Pajisja e shkollave pilot me infrastrukturën e nevojshme për punën në firmën ushtrimore.
• Kualifikime profesionale dhe metodike të mbi 200 ekspertëve në fushën e arsimit.
• Hartimi i materialeve të reja mësimore që përqëndrohen te nxënësit.
• Futja në rrjet e 68 firmave ushtrimore nga Shqipëria, Bullgaria dhe Rumania.
• Zgjerimi i marrëdhënieve tregtare midis firmave të cilat i kalojnë kufijtë.
• Organizimi i panaireve të firmave ushtrimore si një platformë për kontaktet direkte.
• Rrjetizimi ndërkombëtar nëpërmjet homepage-t www.econet-see.com

Rezultatet në detaje:

Në një kohëzgjatje të shkurtër të projektit prej një viti e gjysëm u krijua një rrjet me 3 qendra dhe 68 firma ushtrimore (disa nga të cilat u krijuan rishtazi me krijimin e rrjetit). Të gjitha këto firma ushtrimore mund të kontaktohen me anë të e-mail-it. Nëpërmjet homepage-t të firmave ushtrimore, i cili u krijua gjatë aplikimit të projektit, mund të gjenden produktet dhe shërbimet që ofrojnë firmat ushtrimore (Adresat mund të gjenden në „ECO NET firmat ushtrimore“).

Firmave ushtrimore ju dha edhe mundësia, që të marrin pjesë në Webshop-in ndërkombëtar të firmave ushtrimore Comnet http://www.comnet-project.com.

U shkëmbyen informacione për kushtet e ndryshme të zhvillimit të biznesit në vendet partnere të projektit, u lidhën marrëveshje për zhvillimin e tregtisë rajonale, u bënë krahasime për metodat didaktike dhe u diskutua për ndryshimet. Këto dokumenta mund të shkarkohen te tasta „Downloads“.

Duke u bazuar në situatën fillestare të rrjeteve të firmave ushtrimore u ofruan trajnime sipas një sistemi modular për rrugën që duhet të ndiqej për krijimin e firmave ushtrimore dhe për menaxhimin e cilësisë për firmat e përparuara.

Drejtuesit bullgarë të firmave ushtrimore që kishin edhe me shumë eksperiencë me firmat ushtrimore (në Bullgari firmat ushtrimore janë krijuar që në mesin e viteve nëntëdhjetë) u hartuan edhe me mbështetjen e një eksperti lokal materiale dhe informacione didaktike për fushën „Sipërmarrja dhe firma ushtrimore“.

Dy shkolla pilot rumune morën pajisje bazë për të mundësuar punën në zyrat e firmave ushtrimore. Qendra e firmave ushtrimore rumune ROCT dhe firmat ushtrimore u krijuan vetëm pas fillimit të projektit dhe filluan të funksiononin vetëm në shtator të vitit 2001.

Trajnimi në lidhje me teknikat e komunikimit dhe të shitjes, i teknikave të prezantimit, si edhe futja e menaxhimit të projektit kanë bërë të mundur që drejtuesit e firmave ushtrimore dhe mësuesit e gjuhëve të huaja të pajisen me kualifikimet kyçe që janë të nevojshme për rrjetin dhe të aftësohen që këto njohuri t’i zbatojnë me nxënësit.

Përgatitjet dhe planifikimet për organizimin e panaireve u kurorëzuan me 2 panaire kombëtare, panairin e firmave ushtrimore në Tiranë dhe me panairin e firmave ushtrimore në Drobeta Turnu Severin, të dyja të organizuara në prill të vitit 2002, dhe me panairin rajonal të firmave ushtrimore në Sofie në maj të vitit 2002, në të cilin nuk morën pjesë vetëm firma ushtrimore nga Shqipëria, Bullgaria dhe Rumania, por edhe nga Maqedonia dhe Austria.

Në kuadrin e organizimit të konferencës së mbylljes në qershor të vitit 2002 në Vjenë u paraqitën edhe firma ushtrimore nga grupe të tjera të synuara (p.sh. nga arsimi i të rriturve).

Një seminar paralel me titull „Menaxhimi & Leadership“ i cili u bazua në zhvillimin e shkollave dhe në menaxhimin e projekteve hodhi themelet në fushën e administrimit të shkollave për zbatimin e rrjetizimit të shkollave dhe bashkëpunimin në fushën e administrimit të shkollës.

Me një rrjet të tillë rajonal të veçantë për llojin e vet në Evropën Juglindore u krijua baza për një përhapje të mëtejshme të konceptit të firmës ushtrimore në rrang kombëtar dhe rajonal dhe për bashkëpunimin e mëtejshëm në rajon.

Dokumentimi i rezultateve dhe materialeve të seminarit mund të gjenden duke klikuar te tasta "Downloads".