ECO NET në Maqedoni

Në Maqedoni sot funksionojnë shtatë firma ushtrimore të Projektit Eco Net, të vendosura në tri shkolla. Nga tri shkollat e Projektiti ECO-Net, nga të cilat njëra mbështetet tërësisht me mjete financiare vetëm të KulturKontakt Austria, dy ndodhen në Shkup (Arseni Jovkov dhe Vasil Antevski Dren), si edhe një shkollë në Veles (Jovce Teslickov).

Maqedonia u përfshi në projekt vetëm në fazën e dytë të Projektit ECO-Net. Fokusi u përqendrua në trajnimin e mësuesve, krijimin dhe zgjerimin e firmave ushtrimore, si edhe pajisjen e Zyrave të firmave ushtrimore në tri shkollat pilot. Gjithashtu u synua edhe krijimi i një webseite dhe nëpërmjet trajnimeve në sektorin e informatikës, mësueseve ju transmetuan njohuritë bazë.

Mundësia e vizitimit të panaireve ndërkombëtare është shumë e pëlqyer si nga mësuesit, ashtu edhe nga nxënësit. Pjesëmarrja, puna konkrete në panair, si edhe njohjet me pjesëmarrësit nga vendet e tjera të projektiti, paraqesin për firmat ushtrimore arritjen e pikës kulmore të projektiti dhe punës së tyre. Firmat ushtrimore maqedonase kanë marrë pjesë në panairin e firmave ushtrimore në Salcburg 2003, na panairin kombëtar të firmave ushtrimore bullgare Varna 2004, si edhe në panairin ndërkombëtar të Timishvarës 2004.

Që pas janarit në mjediset e Ministrisë së Shkencës së Maqedonisë është krijuar Qendra e Firmave Ushtrimore Maqedonase dhe 2 punonjësit e kësaj qendre janë trajnuar për përmbushjen e detyrës së tyre. Sfidën më të madhe për Qendrën e sapokrijuar të Firmave Ushtrimore e përbën organizimi i panairit të parë kombëtar të firmave ushtrimore maqedonase, i cili do të zhvillohet në muajin dhjetor në mjediset e shkollës Arseni-Jovkov.

Në këtë panair do të marrin pjesë edhe firmat ushtrimore të Projektit Amerikan SEA. Projekti SEA i financuar nga USAID e ka filluar punën me firmën ushtrimore në vitin 2004. Meqë në këtë projekt është përfshirë si drejtuese e ekspertëve lokal edhe ekspertja bullgare e firmave ushtrimore bullgare, Goranka Nedeva, ka pasur bashkëpunim ndërmjet të dy projekteve dhe në këtë mënyrë është arritur edhe zgjerimi i tregut të vogël të firmave ushtrimore maqedonase, i cili deri tani ka qenë i vogël.

Programi për vendet e Projektit ECO NET, i cili po implementohet aktualisht në Maqedoni zyrtarisht duhet të mbaronte në muajin dhjetor 2004. ECO NET III fillon në muajin mars 2005 me pjesëmarrjen e firmave ushtrimore maqedonase në panairin ndërkombëtar të firmave ushtrimore në Freistadt, Austri. Në qendër të Projektit ECO NET III në Maqedoni është forcimi i shërbimeve që ju ofron Qendra e Firmave Ushtrimore Maqedonase firmave ushtrimore, kualifikimi i stafit të firmave ushtrimore në shkollat pilot, veçanërisht për sektorët e shfrytëzimit të gjuhëve të huaja dhe të internetit në kontekstin e punës me firmën ushtrimore, forcimi i rrjetit të firmave ushtrimore nëpërmjet organizimit të një panairi kombëtar për firmat ushtrimore nëpërmjet integrimit të firmave ushtrimore në projektin e USAID/SEA, pjesëmarrja në panairet e firmave ushtrimore 2005, përzgjedhja dhe kualifikimi i multiplikatorëve, si edhe adaptimi i materialeve kurrikulare (dygjuhësh: maqedonisht dhe shqip) për drejtuesit e firmave ushtrimore (I rëndësishëm: manuali i firmave ushtrimore) nëpërmjet shfrytëzimit të materialeve dhe eksperiencave bullgare dhe rumune.