ECO NET në Kroaci
(2004-2005)

Në kuadrin e Projektit ECO NET mësuesve të katër shkollave pilot në Kroaci (Shkollës së parë ekonomike në Zagreb, shkollës ekonomike Velika Gorica, shkollës ekonomike në Bjelovar, shkollës së dytë ekonomike në Zagreb) ju ofrua një trajnim në fushën e punës me firmat ushtrimore, të informatikës dhe të gjuhëve të huaja në kontekstin ekonomik. Meqë puna në firmën ushtrimore zhvillohet duke përfshirë disa lëndë, përfshirja e mësuesve të lëndëve të ndryshme mësimore është edhe një nga premisat kryesore të projektit. Në mënyrë që të lehtësohet puna praktike në firmën ushtrimore, në zyrat mësimore të katër shkollave pilot, ku zhvillojnë aktivitetin e tyre firmat ushtrimore, do të pajisen me infrastrukturën e nevojshme.

Në Kroaci lënda „Firmë ushtrimore“ është ingranuar si lëndë me zgjedhje në planin mësimor. Disa shkolla pilot, të cilat janë përfshirë në projektin ECO NET kanë shumë vite që ju ofrojnë nxënësve të tyre mundësinë që të njihen me format e ndryshme të punës në firmën ushtrimore, e cila deri tani zhvillohej kryesisht në rrang kombëtar.

Një detyrë e rëndësishme e programit lokal për Kroacinë është edhe mbështetja e shkollave gjatë krijimit të firmave të reja ushtrimore dhe futja e tyre në tregun ndërkombëtar të firmave ushtrimore dhe në tregun kombëtar që është duke u krijuar. Pjesëmarrja në panairet ndërkombëtare të firmave ushtrimore brenda dhe jashtë vendit është një mundësi e mirë për nxënësit dhe mësuesit që të prezantojnë punën e tyre, të zhvillojnë marrëdhënie biznesi dhe të lidhin kontakte me firmat e tjera ushtrimore.

Në fazën në vazhdim të projektit është parashikuar trajnimi dhe kualifikimi i multiplikatorëve, detyra e të cilëve është shpërndarja e njohurive didaktike dhe profesionale në lidhje më punën në firmën ushtrimore. Në këtë mënyrë do të krijohen bazat për kualifikimin edhe të drejtuesve të tjerë të firmave ushtrimore, që nga njëra anë sigurojnë vazhdimësinë e projektit, dhe nga ana tjetër do të mbështesin iniciativën e Ministrisë për planifikimin e futjes së këtij koncepti mësimor si lëndë e detyrueshme në të gjitha shkollat ekonomike të Kroacisë