ECO NET në Bosnje-Herxegovinë

Në Bosnje-Herxegovinë puna me firmën ushtrimore është akoma e panjohur, prandaj në këtë vend Projekti ECO NET në muajin janar 2004 filloi nga moduli 0.

Një nga pikat kryesore të zhvillimit ekonomik në Bosnje- Herxegovinë është edhe mbështetja e ndërmarrjeve të vogla dhe të mesme. Kështu që në këtë kuadër kualifikimi ekonomik që i afrohet praktikës merr një rëndësi të veçantë. Shkollat ekonomike ekzistuese, të cilat normalisht kualifikojnë sekretare dhe teknik ekonomik, mund ta kryejnë aktualisht këtë detyrë vetëm pjesërisht dhe në shumicën e rasteve nuk kanë infrastrukturën e nevojshme, në mëyrë që t’ju transmetojnë nxënësve njohuritë e nevojshme kompjuterike, ekonomike dhe të gjuhëve të huaja.

Në këtë kontekst objektivat kryesore të programit për Bosnje- Herxegovinën do të ishin si më poshtë:

• Transmetimi i njohurive bazë në sektorët menaxhim ndërmarrjeje, informatikë ekonomike dhe didaktikë profesionale në firmën ushtrimore;
• Fillimi i punës me FU dhe krijimi i firmave ushtrimore në gjashtë shkollat pilot në vitin shkollor 2004/05 (Sarajevë, Tuzla, Livno, Bijeljina, Prijedor dhe Brčko)
• Pajisja e zyrave mësimore, të cilat duhet të funksionojnë si qendra ekonomike brenda shkollave pilot,
• Pjesëmarrja në aktivitete rajonale (p.sh. panairet ndërkombëtare) dhe
• Hartimi i konceptit për krijimin e një rrjeti për FU në Bosnje-Herxegovinë,

Deri në prill 2005 u zbatuan pjesët e mëposhtme të programit:

• Moduli 1.1: Didaktikë profesionale për menaxhimin e ndërmarrjes I (maj 2004)
• Moduli 1.2: Didaktikë profesionale për menaxhimin e ndërmarrjes II (tetor 2004)
• Moduli 1.3: Njohuri kompjuterike I (nëntor 2004)
• Moduli 2.1: Pajisja e zyrave mësimore në 6 shkollat pilot (qershor, shtator 2004)
• Moduli 2.2: Krijimi dhe organizimi i FU (Shtator 2004)
• Moduli 3.3: Njohuri kompjuterike II (Prill 2005)
• Moduli 3.8: Pjesëmarrja në panairin ndërkombëtar të FU në Freistadt/Austri (mars 2005)
• Pjesëmarrja në panairin ndërkombëtar të FU në Timishoara (maj 2004)

Në vitin 2005 ndër të tjera do të vazhdohet me seminare të tjera kualifikuese, me aktivitete për integrimin e FU në kurrikulat e rëndësishme, si edhe organizimi i një panairi kombëtar për firmat ushtrimore.

Firmat e para ushtrimore në Bosnje-Herxegovinë u krijuan në shkollat pilot në fillim të vitit shkollor 2004/05. Që prej muajit nëntor kanë filluar të krijohen kontaktet e para kombëtare dhe ndërkombëtare të biznesit.

Realizimi i përmbajtjeve dhe qëllimeve të projektit realizohet në bashkëpunim me autoritetet arsimore përkatëse, me drejtuesit e shkollave dhe me mësuesit.

Në Bosnje-Herxegovinë Projekti ECO NET do të implementohet nga muaji janar 2004 deri në dhjetor 2005 (24 muaj) me mbështetjen e Minsitrisë Federale të Punëve të Jashtme të Austrisë dehe të Fondacionit Soros.