ECO NET në Bullgari

Brenda rajonit Bullgaria mund të llogaritet si një vend në të cilin koncepti i firmave ushtrimore ka pothuajse 10 vjet që aplikohet:

Në vitin 1994 në kuadrin e projektit të Akademisë Tregtare Austriako-Bullgare u krijua firma e parë ushtrimore në Gjimnazin Kombëtar Ekonomiko-Financiar të Sofies. Projekti u implementua nga zyra e projektit k.education në Sofie në emër të Ministrisë Federale Austriake për Arsimin, Shkencën dhe Kulturën dhe nga KulturKontakt Austria.

5 shkollat pilot të Projektit, të cilat ndodhen në qytetet pranë Sofies si: Varna, Burgas, Montana dhe Stara Zagora, janë pjestare të Projektit ECO NET që prej vitit 2001.

Në vitin 1995 filluan të ndërmerren edhe hapat e para për krijimin e rrjetit të firmave ushtrimore, iniciativë e cila u mbështet edhe me krijimin e Qendrës së Firmave Ushtrimore Bullgare „BUCT“.

Aktualisht rrjeti i firmave ushtrimore bullgare përfshin rreth 200 firma ushtrimore të shpërndara në rreth 20 shkolla.

Në shkollat pilot të Projektit ECO NET – firma ushtrimore është një komponent më i qëndrueshëm dhe më i detyrueshëm i planit mësimor „Ekonomi dhe menaxhim“, bazë e të cilit është plani mësimor i Akademisë Tregtare Austriake. Në shkollat e tjera puna në firmën ushtrimore aplikohet pjesërisht ose si lëndë e detyrueshme, ose si lëndë me zgjedhje të lirë.

Që nga viti 1998 në Bullgari janë zhvilluar 7 panaire të firmave ushtrimore, ku në tre prej të cilave ka pasur edhe pjesëmarrës ndërkombëtar:

Në panairin ndërkombëtar të firmave ushtrimore në Sofje 2002 – i cili paraqet edhe një nga pikat kulminante të projektit ECO NET – u paraqitën rreth 100 FU dhe Qendra të Firmave Ushtrimore nga 6 vende.

Dhe duke njohur këtë histori në kuadrin e Projektit ECO NET Bullgaria luan një rol pararendës. Ekpsertët bullgarë janë të suksesshëm gjatë transemtimit që i bëjnë njohurive që kanë në fushën e firmave ushtrimore te partnerët e tjerë të Projektit ECO NET në vendet e tjera.

Aktualisht me ndihmën e Projektit ECO NET po synohet përhapja e idesë së firmës ushtrimore në të gjithë Bullgarinë.

Bazën për këtë iniciativë e krijon një strategji për shpërndarjen e kësaj ideje, e hartuar nga Ministria e Arsimit Bullgare. Kjo strategji parashikon që 5 shkollat pilot të Projektit ECO Net me stafin pedagogjik dhe drejtuesit e tyre të trajnuara sipas moduleve të shumta, të shërbejnë si qendra model.

Në këto qendra model, të cilat gjenden akoma në fazën e krimimit të tyre, do të organizohen kurse trajnimi për mësuesit, do të hartohen materiale mësimore për ndërmarrjen dhe informatikën ekonomike, si edhe në bashkëpunim me Qendrën Bullgare të Firmave Ushtrimore do të hartohet një manual për drejtuesit e firmave ushtrimore.

Deri në përfundimin zyrtar të Projektit ECO NET në Bullgari në fillim të vitit 2007 në qendrat model synohet të jenë krijuar edhe standarte cilësie të vlefshme për vendin lidhur me punën në firmën ushtrimore dhe një sistem i përmirësuar vlerësimi.

Me ndihmën e Projektit ECO NET qendrat model do të mbështesin shkëmbimin e informacioneve dhe eksperiencave ndërmjet shkollave në Bullgari dhe jashtë vendit.