ECO NET në Shqipëri

Në Shqipëri, vendin më jugor të projektit ECO NET, funksionojnë sot 12 firma ushtrimore në katër nga pesë shkollat ekonomike publike dhe në disa shkolla private. Në vendlindjen e shqiptarëve, këto shkolla janë të vendosura në kryeqytetin e vendit Tiranë, në dy qytetet bregdetare Vlorë e Sarandë, dhe në Shkodër, e cila ndodhet buzë liqenit me të njëjtin emër. 7 nga firmat ushtrimore janë edhe anëtare të projektit ECO NET. Janë duke u krijuar tri firma të tjera ushtrimore në Shkollat e Hoteleri-Turizmit.

Në vitin 2000 nga zyrat mësimore që ishin krijuar me mbështetjen e projektit gjerman të GTZ-së, u ngritën firmat ushtrimore të cilat kishin paraprakisht kontakt me Gjermaninë. Në vitin 2001 firmat ushtrimore u bënë pjesë e projektit ECO NET dhe në këtë mënyrë atyre ju krijua mundësia që të mund të lidhnin kontakte biznesi me vende të rajonit si Bullgaria dhe Rumania. Në fazën e dytë të Projektit 2003 dhe 2004 rrezja e veprimit e marrëdhënieve tregtare u zmadhua edhe me vende të tjera. Gjithashtu marrëdhënie tregtare u lidhën edhe me firma ushtrimore austriake.

Që në muajin Shtator 2004 ekziston Qendra e Firmave Ushtrimore ALCT (Albanian Center for Training Firms), e cila ndodhet në Shkollën Ekonomike të Tiranës dhe ofron shërbime si regjistrin tregtar, bankë, konsulencë dhe trajnim. Krijimi i Qendrës ishte një hap i rëndësishëm i fazës së dytë për krijimin e qëndreushmërisë së rrjetit. Zgjerimi dhe përmirësimi i shërbimeve do të vazhdojë të jetë në qendër të aktiviteteve për vitin 2005.

Do të sigurohet krijimi i një homepage për qendrën dhe shtimi i website-ve të firmave ushtrimore, të cilat janë baza për tregtinë në rrugë elektronike. Trajnimet në fushën e kompjuterave plotësojnë trajnimet në këtë fushë.

Shumë interesante për nxënësit, për drejtuesit e firmave ushtrimore dhe për administratën e shkollës, është pjesëmarrja në panairet kombëtare të firmave ushtrimore (tradicionalisht këto zhvillohen në muajin maj).

Për shkak të mundësive të pakta që ekzistojnë për të ndërmarrë udhëtime jashtë shtetit dhe për të krijuar kontakte personale me vendet e tjera, panairet ndërkombëtare dhe seminaret rajonale ku marrin pjesë përfaqësues nga të gjitha vendet e projektit, paraqet pikën kulminante të projektit për të gjitha shkollat pjesëmarrëse.

Një „Grup për multiplikimin“ do të merret me hartimin e një koncepti trajnimi dhe të materialeve për trajnimin e drejtuesve të firmave ushtrimore. Duke marrë parasysh faktin se shumë specialistë kanë dëshirë të largohen, gjë që i dëmton të gjitha sferat profesionale, ndërmarrja e kësaj mase paraqitet si shumë e nevojshme për Shqipërinë, në mënyrë që të stabilizohet rrjeti ndërkombëtar i firmave ushtrimore, i cili është akoma i vogël.

Zyrat e firmave ushtrimore të shkollave të Shkodrës, Vlorës dhe Tiranës u pajisën edhe me infrastrukturën përkatëse, e cila për Shqipërinë nuk nënkupton vetëm kompjutera, por edhe invertitorë (akumulatorë) për furnizimin me energji.